VRAT PRIMER Tiff

Примена

ВРАТ ПРИМЕР Тифф е акрилна подлога, наменета за импрегнирање и зацврстување на ѕидни и тавански површини пред нанесување на водено дисперзни бои . Најчесто се користи за зацврстување и подобрување на стабилноста на вграден основен малтер, градежно лепило, глет маса, и останати површини со слични карактеристики, при што не дозволува абсорбирање на вода, и воедно не дозволува брзо сушење на дисперзните бои кои треба да се нанесат како завршен украсен слој. ВРАТ ПРИМЕР Тифф особено се препорачува да се нанесе на стари бојадисани ѕидни и тавански површини пред нанесување на свежа водено дисперзна боја, при што ќе се избегне ронење, одлепување, откорнување, и останати оштетувања на површините, поради зголемената апсорпција на вода на старите слоеви.

Подготовка

Се разредува со вода во сооднос 1:8 при што од пакување од 5 литри се добива разредена смеса од 40 литри.

Вградување

Се нанесува со четка или валјак. Површините претходно треба да се тврди, суви и исчистени од прашина и/или неврзан материјал. За површини со поголема апсорпција на вода се препорачува да се нанесе и втор слој од разредената смеса.

Потрошувачка

За импрегнирање на 1м2 површина потрошувачката е од 0,20 до 0,25 литри разредена смеса.

Пакување

Пластична туба од 5 литри.

Складирање

Во суви и проветрени простории во оригинално пакување на температура од +5оС до +35оС. Пакувања со делумно искористен производ можат повторно да се затворат за подоцнежно користење, но не подоцна од крајниот рок на употреба.

Рок на употреба

12 месеци од датата втисната на пакувањето.